Бұрынғы КСРО елдері Ресей үшін маңыздылығын ешқашан жоғалтпайды - Ресей СІМ

Қазақстан мен бұрынғы КСРО-ның басқа да елдері Ресейдің геосаяси маңыздылығын жоғалтпайды, деп мәлімдеді РФ Сыртқы істер министрінің орынбасары Андрей Руденко.

Руденконың айтуынша, Ресейдің көршілері арасындағы қарым-қатынасында қорқыныш факторы жоқ.

«Қандай жағдайда да, бұл елдер қайда жүрсе де, олар қалай дамып жатса да, геосаяси мазмұнға қарамастан, біздің геосаяси басымдықтарымыздың арасында ешқашан маңыздылығын жоғалтпайды. Бұл біздің бұрынғы ортақ кеңестік өткеніміздің бір бөлігі» деді Руденко «Валдай» халықаралық пікірталас клубында сөйлеген сөзінде.

Оның айтуынша, егер көршілер шын мәнінде тәуелсіз егеменді саясат ұстанса, онда Ресейдің мүддесі толық қамтамасыз етілетін еді.

«Ресейдің болашағы осы елдермен бірге. Біз осы маңызды ортаның толық құндылығы мен маңыздылығын сезіне отырып, осы бағытта әрекет етуді жалғастырамыз».

Осы жылдың қазан айында Ресей Сыртқы істер министрі Сергей Лавров «Российская газетаға» жазған мақаласында «соңғы уақытта біз Қазақстанның орыстілді азаматтарына қарсы ксенофобияның бірқатар резонансты көріністеріне куә болдық» деп жазды.

Қазақстандық депутаттар мен шенеуніктер бұл мәлімдемелерге еш жауап қатпады.