Бұрын істі болған ер адам алматылық бойжеткенді зорлады

Алматыда бұрындары істі болған 36 жастағы ер адам бойжеткенге шабуыл жасады. Бұл туралы «NeMolchi.kz» қоғамдық қоры хабарлады.

Жәбірленушінің айтуынша, ер адам оған күтпеген жерден арт жағынан шабуыл жасап, айқайлай алмайтындай етіп төменгі жақ сүйегін сындырған.

«Қаскөйді оның заттары қызықтырған жоқ, оны тек зорлық-зомбылық әрекеті қызықтырды. Дегенмен ол тектілік танытып, оның пәк екенін біліп, ауыз қуысы арқылы зорлауды шешкен. Ол оны адамдар көрмейтін, орманға сүйреп апарды. Зорлау әрекеті сәтсіз аяқталды. Бойжеткен оның шалбарына құсып жіберген. Жәбірленуші тағы да ұратын шығар деп, айқайлауға қорыққан» деп жазды қоғам белсенділері.

Артынша қыз киімдерін шешіп, зорлаушыны қорқытқан. Ол басқа затқа алаңдаған сәтте бойжеткен жолға жүгіріп, айқайлаған. Сол жерде оны полицияға жеткізуге көмектескен жігіт көріп қалған.

Алматы қалалық ІІД баспасөз қызметі Алмалы аудандық полиция бөлімінің қызметкерлері қылмыс жасағаны үшін бұрын бірнеше рет сотталған 1986 жылы туған азаматты ұстағанын хабарлады.

Жәбірленуші оны шабуылдаушы деп таныды.

ҚР Қылмыстық кодексінің екі бабы – «Сексуалдық сипаттағы зорлық-зомбылық әрекеттері» және «Тонау» бойынша сотқа дейінгі тергеу басталды.

Ұсталғанға дейін үш күн бұрын аталған ер адамның ойыншық гранатамен қорқытып, дәріхананы тонап кеткені анықталды.

Күдікті уақытша ұстау изоляторына қамалды. Оның басқа да қылмыстарға қатысы тексерілуде.