БҚО полицейлері анасын өлтірген күдіктіні ұстады

Батыс Қазақстан облысында (бұдан әрі БҚО) анасы мен бала арасындағы жанжалдан кейін болған адам өлтіру фактісі бойынша сотқа дейінгі тергеу жүріп жатыр.

Бұл туралы Orda.kz хабарлады.

БҚО полиция департаментінің мәліметінше, қылмыс Бәйтерек ауданында болған. Анасы мен баласы 9 тамызда ішімдік ішкен. Сағат 18:30-да полицияға табылған әйелдің мәйіті туралы хабарлама келіп түсті.

– 1960 жылы туған әйелдің мәйіті табылғандығы туралы Т.атты азамат полицияға хабарлаған. Барлық қызметкерлерге ескерту берілді, іздестіру шаралары жарияланды.

Күдікті ұсталды. Бұл фактіні жасырып, тергеуді адастыруға тырысқан өлтірілген әйелдің ұлы болып шықты, - деді БҚО полиция департаментінің басшысы Махсұдхан Әбләзімов.

Полицияның мәліметінше, 1986 жылы туған ұлы мен анасының арасында жанжал болған. Баласы әйелдің кеудесіне бірнеше рет соққы жасаған.

ҚР Қылмыстық кодексінің 106-бабы бойынша тергеу жүргізілуде.