БҚО-ның екі ауданында су тасқынына байланысты төтенше жағдай жарияланды

Батыс Қазақстан облысының Қаратөбе  және Шыңғырлау аудандарында су тасқынына байланысты төтенше жағдай жарияланды, деп хабарлайды «Мой город».

— Ауыл іргесіндегі өзенге мұздың көп жиналуына және егістік жақтан қардың көп еруіне байланысты Шалғын ауылы (Қаратөбе ауданы) су басқан  аймақта қалды. Алдымен мектепті, кеше 25 жеке үйді су басты. Су үйлерге 50 сантиметрге кіріп, ауыл тұрғындарының дүние-мүлкін бүлдірді, - деді аймақ басшысы Ғали Есқалиев.

Әкімнің айтуынша, ауыл тұрғындарын эвакуациялап,  шаруашылық пен ауылды қарайтын еркектерді ғана қалдыру туралы шешім қабылданған.

Есқалиев жағдайдың 2-3 күн ішінде қалыпқа келуі керектігін баса айтты.

Сегізсай мен Шыңғырлау ауылдарының арасындағы су тасқынына бейім екінші ауданда тоғыз жерден жолдың бұзылуы тіркелді.

Төтенше жағдайлар департаментінің басшысы Ернұр Өтегенов зардап шеккендер тіркелмегенін айтты. Ауыл тұрғындары 30 ұсақ мал өлгенін хабарлады. Шалғын ауылының 37 тұрғыны эвакуацияланды, оның 37-сі балалар.