БҚО әкімдігі ісін жаңа бастаған кәсіпкерлерге 80 млн теңге қарыз

Мемлекеттен грант алып кәсібін ашқан кәсіпкерлерге қаржы беруге бюджетте ақша жоқ дейді билік.

Өткен жылы Батыс Қазақстан облысының әкімдігі «Бизнестің жол картасы» аясында ісін жаңа бастаған кәсіпкерлер арасында 34 грант ұтыс ойынын ойнатқан. Бірақ бюджетте қатысушылардың барлығына төлейтін ақша болмаған. Небәрі сегіз адам грант алса, биылдың өзінде тағы сегіз адамға грант қаржысы төленбек.

Қалған 18 адам уәде етілген қаржыны сегіз айға жуық күтіп отыр. Адамдар төлем құралдарын сатып алды, жеке кәсіпкерлік пен банкт депозитін ашты, бірақ оларға  бюджеттен «ақша табылмай» отыр.

 «Бес миллион теңге грант ұтып алдым. Соңында, біздің бизнес-жобамыздың мақұлданғаны туралы хабарламадан тоғыз ай өткен соң, біз кезекте жоқ болып шығамыз. Кәсіпкерлік бөліміне хабарластық, бірақ ешкім дұрыс жауап бермеді, бәрінің айтатыны – «ақша жоқ»  деп жауап берді Теректі ауданы, Подстепное ауылының кәсіпкері Самал Ұзақова, деп жазады «Уральская неделя».

Гранттар мақұлданған күннен бастап тоғыз ай өткен соң ақшаны алу шарты автоматты түрде бұзылады, бұл туралы кәсіпкерлік  бөлімі грант алушыларды  хабардар еткен.