БҚО-да жол апатынан жолаушы қаза тапты

Оқыс оқиға БҚО-дағы Ақжайық ауданы, Томпақ ауылынан он шақырым жерде болған.

Шетелдік жеңіл көлік пен жүк көлігі соқтығысқан оқиға кеше түнде болған. БҚО полиция департаментінің мәліметінше, соқтығысуға бірнеше минут қалғанда Mitsubishi Montero жүк көлігін басып озуға әрекеттенген, бірақ тізгінге ие бола алмай, шұңқырға ұшып түскен.

 «Mitsubishi Montero көлігін басқарған 48 жастағы жүргізуші басып озу кезінде Renault жүк көлігімен соқтығысып, шұңқырға аударылып кеткен. Салдарынан 54 жастағы жолаушы оқиға орнында көз жұмды» деп келтіреді «Мой город» порталы агенттікке сілтеме жасап.

Іс жүзінде ҚР Қылмыстық кодексінің 345-бабы «Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы» бойынша сотқа дейінгі тергеу амалдары жүргізілуде.