БҚО-да шақалақты өлтірген ананың үкімі шықты

Бойжеткен нәрестені полиэтилен пакетке орап, көшедегі дәретханаға лақтырып кетті, деп хабарлады «Менің қалам» порталы.

4 ақпанда №2 Казталов аудандық соты өткен жылдың 23 қарашасында жаңа туған баласын көшедегі дәретханаға тастаған 19 жастағы тұрғынға қатысты сот үкімін шығарды. Үкімді судья Айбар Бижанов жариялады.

Іс материалдарынан Ж.Досмұхамедов атындағы Жоғары педагогикалық колледжінің екінші курс студенті 2020 жылдың қыркүйек айында досынан жүкті болып қалғанын білген. Алайда, қыз бұл туралы ешкімге айтпаған.

«23 қарашада қыздың іші ауыра бастайды. Шамамен сағат 16.00-де қыздың анасы дүкенге кетіп, ал қалған отбасы мүшелері өз бөлмелерінде болады.  Ол дәлізге шығып, тірі сәбиді дүниеге әкелді. Бойжеткен есеңгіреген күйінде қайшымен нәрестенің кіндігін кесіп, нәрестені полиэтилен пакетке орап, түйінге байлап, жеке үйдің қорасында орналасқан көшедегі дәретханаға тастады. Осылайша, ол жаңа туған баласын өлтірді. Содан кейін дәліздегі қанды сүртіп, жуып, бөлмесіне жатты. Дүкеннен қайтып келе жатқан қыздың анасы оның өзін нашар сезінгенін көріп, күйеуімен бірге оны ауруханаға алып кетті. Медициналық мекеме оқиғаны анықтады»,- делінген үкімде.

Сотталушы өзінің кінәсін толығымен мойындап, өзінің жас жігітпен кездескенін айтты. Жүктілік туралы білген бойжеткен оны баланың әкесіне айтқан, бірақ ол бала үшін жауапкершілікті қабылдаудан бас тартқан. Ол ата-анасының қорқып, өзінің жағдайы туралы ешкімге айтпаған.

Сарапшының айтуынша, баланың өліміне механикалық асфиксия себеп болған. Нәресте шамамен 8-8,5 айда тірі туылды.

Сот үкімімен Казталов ауданы Жаңажол ауылының тұрғыны ҚР Қылмыстық кодексінің 100-бабы «Анасының жаңа туған нәрестесін өлтіру» бойынша кінәлі деп танылып, екі жылға сотталды.