БҚО-да орман шаруашылығы инспекторы қайтыс болды

Батыс Қазақстан облысында орман шаруашылығы және жануарлар дүниесі аумақтық инспекциясының бөлім басшысы Серік Мәженов қайтыс болды. Экология, геология және табиғи ресурстар министрлігінің баспасөз қызметі қайғылы жағдайдың себебін айтты.

Серік Мәженовтың қайтыс болғаны туралы ақпарат желіде бұрын пайда болған. Желідегі ақпарат бойынша марқұмның браконьерлердің қолынан қаза тапқаны хабарланды.

Экология министрлігі инспектордың өлімін растағанымен, браконьерлердің қатысуын жоққа шығарды.

– 14 желтоқсан күні сағат 09.30 шамасында БҚО Теректі ауданы Ақжайық ауылында Ақжайық ауылынан 10-12 шақырым жерде БҚО орман шаруашылығы және жануарлар дүниесі аумақтық инспекциясының басшысы 1977 жылы туған Мәженов Серік Сағындықұлы қаруды абайсыз ұстау салдарынан қайтыс болды, - деп хабарлады Экология министрлігі.

Қосымша ақпарат нақтылануда. Министрлік марқұмның туыстары мен жақындарына және әріптестеріне көңіл айтты.