БҚО-да әкесі мен тоғыз жасар ұлы суға батып кетті

Батыс Қазақстан облысының Дерқұл өзеніне әкесі мен баласы батып кетті.

Бұл туралы Orda.kz хабарлайды.

Қайғылы оқиға 24 қазан күні кешке Жамбыл ауылының шетінде болған. Сағат 17:30-да жергілікті тұрғындар 56 жастағы ер адам мен тоғыз жасар баланың денесін судан алып шықты.

– Әкесі мен баласы балық аулап жүріп қайықта аударылып, суға батып кеткен. Оқиға орнында Төтенше жағдайлар министрлігінің бес қызметкері мен екі бірлік техника жұмыс істеді, - деп хабарлады БҚО Төтенше жағдайлар департаментінің баспасөз қызметі.