БҚО тұрғындары жарықсыз, сусыз қалды

Батыс Қазақстан облысында 2,5 мың абонент пен 30 әлеуметтік нысанда электр қуаты жоқ. Сонымен қатар, бес елді-мекен сумен қамтамасыз етілмей қалды. Төтенше жағдайға ауа райының қолайсыздығы себеп болды.

БҚО Төтенше жағдайлар департаментінде өткен шұғыл брифингте атап кеткендей, бес ауданда - Бәйтерек, Жанғали, Тасқала, Теректі және Шыңғырлау сияқты 16 елді мекен электр қуатымен қамтылмаған. Бұл жалпы 2 266 абонент болады.

«Апат ауа-райының қолайсыздығынан болды. Қазіргі уақытта электрмен жабдықтауды қалпына келтіру жұмыстары жүргізіліп жатыр», - деп атап өтті ТЖД.

Сондай-ақ, облыстың екі ауданында - Тасқалы және Бөкейордасында сумен жабдықтау үзілген.

«2 ақпан күні сағат 11-дер шамасында Тасқала ауданында Мереке ауылының маңында су қабылдайтын құдықтағы терең сорғы жанып кетті. Оған электр желісіндегі шамадан тыс кернеу себеп болды. Мереке және Қаймақ ауылдарының тұрғындары қараусыз қалды. Бұл шамамен 200 абонент. Бөкейорда ауданы, Кеной ауылының маңында тағы бір сорғы өртеніп кетті. Ұялы, Саралжан және Кеной ауылдарының тұрғындары сумен жабдықталған. Бұл 500-ден астам абонент. Қалпына келтіру жұмыстары жүргізілуде»,- дейді құтқарушылар.

Қазір облыста ауа температурасы нөлден жоғары, тұман және көктайғақ.