БҰҰ миллиардерлерді аштықпен күресуге шақырды

БҰҰ-ның Дүниежүзілік азық-түлік бағдарламасы әлемде аштықпен күресу жоспарын жария етті.

WFP сайтының мәліметінше, БҰҰ 43 елдегі 42 миллион адамның өмірін сақтап қалу үшін миллиардерлерге үндеу жасады.

Азық-түлік пен жеткізуге 3,5 миллиард доллар, жергілікті экономиканы қолдау үшін мұқтаждарға қолма-қол ақша мен азық-түлікке 2 миллиард доллар, азық-түлік пен тарату бағдарламаларын әзірлеуге 700 миллион доллар қажет болады деп болжануда.

Жоспар жарияланғаннан кейін БҰҰ-ның Азық-түлік бағдарламасының атқарушы директоры Дэвид Бисли Twitter-де SpaceX және Tesla-ның негізін қалаушы Илон Маскқа хабарласты, ол бұған дейін БҰҰ аштықпен күресу жолын егжей-тегжейлі және нақты сипаттайтын болса, ақша беретінін айтқан.

– Бұл аштық дағдарысы бұрын-соңды болмаған. Оны болдырмауға болады. Илон Маск, сіз нақты жоспар мен есепшоттарды ашуды сұрадыңыз. Міне! Біз сізбен және адам өмірін сақтап қалуға шындап кірісетін кез келген адаммен сөйлесуге дайынбыз. Аштықтың алдын алу үшін 6,6 миллиард доллар қажет, - деп жазды Дэвид Бисли.

Айта кетейік, Илон Маск әлі жауап берген жоқ.