Бүлік кезінде келтірілген шығын мөлшері артты

Қазақстан бойынша тәртіпсіздіктерден келтірілген шығын есептелді. 11 қаңтардағы жағдай бойынша келтірілген шығын көлемі шамамен есептегенде 95,3 млрд теңгеден асты.

«Атамекен» АЭС 11 қаңтарда сағат 9:00-дегі жағдай бойынша жаппай тәртіпсіздіктерден бизнеске келтірілген шығынның жалпы сомасы шамамен есептегенде 95,3 млрд теңгеден астамды (Алматыда 93,8 млрд теңге) құрағанын хабарлайды.

Жалпы алғанда, call-орталыққа 3507 қоңырау түсті. Оның ішінде тонау бойынша – 1669, форс-мажорлық анықтамалар – 138, өткізу пункттері – 2, зардап шеккен кәсіпкерлерді қолдау қорына – 11, жеке тұлғалардан қоңыраулар – 1671.

Еліміздің тоғыз облысында 1709 нысанда орналасқан 1528 зардап шеккен кәсіпкерлік субъектісі анықталды, оның ішінде 1408-і Алматы қаласында, 1578 нысанда орналасқан.

Зардап шеккен кәсіпкерлік субъектілерінің филиалдары: сауда – 1448; қоғамдық тамақтандыру – 32; қаржы секторы – 37; логистика – 9; БАҚ - 2.

Қазақстандағы тәртіпсіздіктер 2022 жылдың басында басталды. 11 қаңтардағы мәлімет бойынша, елде 9900 адам ұсталған.