БҰҰ әлемдік туризмге келтірілген шығынды бағалады

БҰҰ Украинадағы жағдайға байланысты әлемдік туризмнің шығынын 14 миллиард долларға бағалады.

Украинадағы жағдайға байланысты әлемдік туризм 14 миллиард доллар  табысынан айрылуы мүмкін. Салаға келуі мүмкін залалды Дүниежүзілік туристік ұйым (UNWTO) бағалады, деп хабарлайды ТАСС.

БҰҰ мәліметінше, туристік индустрияға Украинаның әуе кеңістігін жабуы мен  Ресейдің еуропалық әуе компанияларына қарсы санкциялары кері әсер етіп отыр. Мысалы, ол Еуропа мен Шығыс Азия арасындағы бағыттарды өзгертуге мәжбүр етеді, бұл рейстер құнының өсуіне әкеп соғады.

Ұйым 2020 жылы халықаралық туризмге жұмсалған жаһандық шығындардың үш пайызы Ресей мен Украинаға тиесілі екенін түсіндірді. «Бұл көрші елдер үшін маңызды» деп қосты Дүниежүзілік туристік ұйым.

Наурыздың басында «ВТБ Капитала» сарапшылары 2022 жылы Ресей ішіндегі рейстер құны 50 пайызға дейін өседі деп болжаған болатын.

Осылайша, әуе билетінің орташа құны 9-дан 14 мың рубльге дейін өсуі мүмкін, ал брондау сұранысы 20 пайызға төмендейді. Мұндай тұжырымдар авиакеросин бағасының екі есе өсуі мен рубльдің әлсіреуін күтуге негізделген.