БҰҰ: әлемдік індеттің соңы гуманитарлық апатқа жалғасуы мүмкін

2021 жылы COVID-19 салдарынан 270 миллионнан астам адам аштықтан қырылып, гуманитарлық апатқа шалдығуы мүмкін.

Біріккен ұлттар ұйымының Дүниежүзілік азық-түлік бағдарламасының басшысы Дэвид Бизлидің мәлімдеуінше, ұйым құрылғалы 75 жыл ішінде дәл қазіргідей дағдарыс болмаған. Соңғы төрт жылда әлемдегі аш адамдар саны 80 миллионнан 135 миллионға дейін жеткен. Ал пандемия бұл көрсеткішті екі есеге арттырғандықтан, тағы 270 миллионға жуық адам аштық алдында тұр.

 «Гуманитарлық апаттың алдын алуға қаржылық қиындықтар кедергі келтіреді: әлемдік қауымдастық індетпен күреске 19 триллион доллар жұмсаған, келер жылы осыншама қаражат жинау мүмкіндігі болмауы ықтимал», - деп ескертеді Біріккен ұлттар ұйымы.