Бүлдіршін балабақшада қолын сындырып алды. Полиция істі жапты

Алматы облысында балабақша тәрбиеленушісі жарақат алды. Баланың анасы бұл әрекетті қасақана деп күдіктенеді. Бірақ полиция күтушінің қатысы жоқ дейді.

Бұл туралы Orda.kz хабарлады.

Шелек ауылының тұрғыны Сәния Рахматулина Қасым-Жомарт Тоқаевқа баласының балабақшада қолының сынғанын, содан кейін дәрігерлердің салғырттығынан бас сүйегінің бас миының жабық жарақаты мен миы шайқалғанын айтып шағымданды.

Рахматулина Orda.kz сайтына берген сұхбатында полиция оның мәлімдемесін елемегенін айтты.

Облыстық полиция департаменті баланың анасының өтініші бойынша тергеу жүргізілгенін хабарлады.

– Балабақшаның бейнебақылау камераларынан бейнежазбаларды зерделеу кезінде баланың қолының жарақатына тәрбиешінің қатысы жоқ екені анықталды. Сондай-ақ, медициналық мекеме қызметкерлерін тексеру кезінде кәмелетке толмағанға қатысты заңсыз әрекеттер анықталған жоқ, - деп хабарлады департаменттен.

Күдіктілердің әрекеттерінде қылмыс құрамының болмауына байланысты тергеу тоқтатылды.