Бұл туризм индустриясындағы тарихи дағдарыс – БҰҰ

Біріккен Ұлттар Ұйымының Дүниежүзілік туристік ұйымы коронавирустық пандемия әлемдік туризмге 2 триллион доллар шығын келтіргенін айтты.

UNTWO есебіне сәйкес, «Бүкіл әлем бойынша біркелкі вакциналау деңгейі және COVID-19 жаңа штамдары туризм индустриясының қалпына келу уақытын әлсіретеді». Жаңа омикрон штамына қатысты кейбір елдерде саяхатқа жаңа шектеулерді салғаны атап өтілді.

Ұйым мұнай бағасының көтерілуі және жаһандық жеткізу тізбегінің үзілуі де саяхат сұранысына әсер етуі мүмкін деп қосты. Дүниежүзілік туристік ұйымының басшысы Зураб Пололикашвили елдерді шектеулерін реттеуге шақырды. Өйткені туристер шатасып, саяхаты кейінге қалуы мүмкін.

Еуропа мен Америкада 2021 жылдың үшінші тоқсанында салыстырмалы өсім байқалса, Азия-Тынық мұхиты аймағына келушілер 2019 жылмен салыстырғанда 95 пайызға қысқарды. Азия-Тынық мұхиты аймағындағы бірнеше елде, соның ішінде Австралия, Жаңа Зеландия, Сингапур және Қытайда нөлдік ковид саясаты бар және халықаралық сапарларға қатаң шектеулер қойды.

– Бұл туризм индустриясындағы тарихи дағдарыс, бірақ туризм тез қалпына келеді, - деп қосты Пололикашвили.