«Бұл мен үшін басты ұстаным»: Тоқаев елдегі өзгерістер туралы айтты

Президент Қасым-Жомарт Тоқаев саяси реформаларды жариялап, кез келген өзгерістер халықтың өмір сүру жағдайын жақсартуға тиіс екенін айтты.

– Бір айдан кейін еліміз Тәуелсіздіктің 30 жылдығын атап өтеді. Бұл бүкіл халық үшін маңызды дата және ел дамуындағы маңызды кезең. 30 жыл ішінде өмірдің барлық саласында жүргізілген реформалар түбегейлі өзгерді және басында таңдаған жолдың түзу екенін көрсетті. Біз бұл тарихи датаға қуатты мемлекет, біртұтас халық болып келе жатырмыз.

– Бірақ жетістіктерге қанағаттанып, тоқтап қалуға болмайды. Біз елді әрі қарай дамытамыз. Саяси реформалар, экономикалық және әлеуметтік даму жалғасады, - деді Тоқаев Ұлттық қоғамдық сенім кеңесінің (ҰҚКК) отырысында.

Президент өзінің басты ұстанымымен де бөлісті.

– Мағынасыз диалогтың да ешкімге керегі жоқ. Кез келген өзгеріс түптеп келгенде халықтың жағдайын жақсартуы керек. Тек мемлекет пен қоғамды дамытуға бағытталған бастамаларды жүзеге асыру керек. Бұл мен үшін басты ұстаным, - деді мемлекет басшысы.