Бұл ұлтты сақтау үшін жасалатын жиһад – Балғынбек Имашев

Белгілі айтыскер ақын Балғынбек Имашев Instagram желісінде дәрігер Айна Бәкиевамен тікелей эфирде сұхбат құрды.

Бұл туралы Orda.kz хабарлайды.

Имашевтің айтуынша, ол блогерлерге, ел танитын тұлғаларға, өнер адамдарына вакцина алған жағдайда жарнама жасамауын сұраған.

– Мені танитын адамдар, өнер адамдары, блогерлер, халыққа танымал адамдарға вакцина алған жағдайда жарнамалап салмаңдаршы көкелер, деп пост жаздым. Сіздердің арттарыңызда миллиондаған оқырман тұр. Ешкімнің сөзі бос кетпейді.

Шаңның тозаңындай жақсылықты көресіздер, шаңның тозаңындай жамандықтың жазасын аласыздар. Біздің қарсылығымыз шаңның тозаңы емес. Бұл үлкен әрекет, ақпараттық соғыс. Ұлтты сақтау үшін жасалып жатқан жиһад, - деді айтыскер ақын.

Бір жарым сағатқа созылған тікелей эфир барысында вакцинаның қаупі мен әсері туралы айтылды. Екпе алу барысында нені білу керек екені де сөз болды.