«Бәйтерек» кешені қашан «Назарбаев старт» болып өзгереді – Мусин

«Бәйтерек» зымыран-ғарыш кешенін Қазақстанның экс-президенті Нұрсұлтан Назарбаевтың құрметіне қайта атау туралы шешім жобаны жаңғырту аяқталғаннан кейін қабылданады.

Бұл туралы Цифрлық даму, инновациялар және аэроғарыш өнеркәсібі министрі Бағдат Мусин хабарлады.

Бұған дейін Ресей президенті Владимир Путин Назарбаевтың құрметіне «Бәйтерек» атауын өзгертуді ұсынған болатын. Содан бері кешен бейресми түрде «Назарбаев старт» деп аталды, деп атап өтті «Роскосмос».

«Бұл мәселеде біз оның атын бекітетін ешқандай қаулылар, құжаттар күтпейміз. Біз алдымен жұмысты аяқтағымыз келеді, содан кейін оны мемлекет басшыларына ұсынғаннан кейін атауды өзгерту туралы шешім қабылданады» деді Мусин сейсенбі күні журналистерге.

Оның айтуынша, «Назарбаев старт» - барлығы үйреніп қалған жобаның жұмыс атауы.