Бәйменов Тоқаевтың келесі сайлаудағы мүмкіндігі туралы айтты

«Қазақстанның демократиялық таңдауы» қозғалысының бұрынғы мүшесі, «Ақ жол» партиясының құрылтайшысы Әлихан Бәйменов президент Тоқаевтың келесі сайлаудағы мүмкіндігі туралы айтты.
Әлихан Бәйменов «Qasqa Jol» бағдарламасына берген сұхбатында Тоқаев қаңтар оқиғаларынан сабақ алса, оның екінші рет президент болуына мүмкіндік көбейеді деп сенім білдірді.
«Қазір халықтың үміті көп. Қаңтардағы қайғылы оқиғалар кезінде құрбан болғандардың жақындарын қазір жұбату мүмкін емес. Бірақ «олар Жаңа Қазақстан құруға жол ашып берді» деп кейін ұрпақтар айта алуы керек. Олардың ұрпақтары «менің атам әділет, абырой үшін шықты», «менің атам Тәуелсіз Қазақстан үшін шықты», «менің атам өзінің жанын құрбандыққа түйіп, Қазақстанға оң өзгерістерді бастап берді» дей алуы керек.
Қазір олардың аруақтарының алдындағы парызымыз –реформалар жүргізу. Шамалыдан кейін қайтадан анау қорға 10-15 млрд бергендер бұрынғы рөлін ойнайтын болса, сол арқылы өзіне жағдайын сатып алса, онда қиын болады.
Сол себептен ол сайлаудағы мүмкіндігі өзінің осы жылдардағы батыл реформаларына байланысты. Оның ішінде саяси реформалар, әділ сайлауды енгізу, сөз бостандығымен қамтамасыз ету және экономикадағы, мемлекет басқарудағы, ақпарат жүйесіндегі реформалар» деді Бәйменов.
Әлихан Бәйменов деген кім?
Айта кетсек, Әлихан Бәйменов – «Қазақстанның демократиялық таңдауы» қозғалысының бұрыңшы мүшесі, Болат Әбілов, Ораз Жандосов пен бірге «Ақ жол» партиясын құрды. 2005 жылдың басына қарай Алтынбек Сәрсенбаев «Ақ жол» партиясына мүше болды. Осылай, партияның бес тең төрағасы болды: Әбілов, Жандосов, Сәрсенбаев, Бәйменов және Жұланова.
Үш жылдан кейін партия екіге бөлінді – «Нағыз Ақ жол» және «Ақ жол».
2004 жылдың қыркүйегінде Бәйменов парламенттік сайлауда «Ақ жол» партиясының тізімін басқарды. Бұл тізімдерге сәйкес, партия сол кездегі іс жүзінде барлық сарапшылар мәлімдегендей, шамамен 30% дауыс жинады, ресми түрде олар 12% дауыс берді. Бәйменов наразылық ретінде депутаттық мандаттан бас тартты.
2005 жылы президенттік сайлауға қатысты. Сайлауда 1,61% дауыс жинады. 2006 жылы мәжіліс депутаты болды. 2011 жылы ол «Ақ жол» партиясының төраға лауазымын Азат Перуашевке берді.
2011 жылдың шілдесінде мемлекеттік қызмет істері агенттігінің басшысы болып тағайындалды.
2014 жылдың қыркүйегінде Әлихан Бәйменов облыстық халыққа қызмет көрсету хабының басқарушы комитетінің төрағасы болып тағайындалды. Хаб – Мемлекеттік қызмет агенттігі мен Біріккен Ұлттар Ұйымының Даму бағдарламасы бірлесіп жасаған жоба. Мемлекеттік қызмет саласында үздіксіз білім мен тәжірибе алмасу мақсатында жоба құру туралы келісімге 2012 жылдың желтоқсан айында қол жеткізілген болатын.
Марқұм Алтынбек Сәрсенбаевтың айтуынша, Әлихан Бәйменов ҚДТ қатарында президент Назарбаевтың «көзі» болды.
Жаңалықтар
- Импорттық жұмыртқаға тосқауыл: Қазақстан бақылауды күшейтті
- АҚШ-та әйгілі Гранд-Каньон өртеніп жатыр: 500-ге жуық турист эвакуацияланды
- Қазақстанда спортшыларға діни үгіт-насихат жүргізуге тыйым салынды
- Алматыда 28 тұрғын үй кешені «қара тізімге» енді
- Шенеуніктің шымбайына батқан сын: Ұлытау әкімдігі Orda.kz мақалсына жауап берді
- Шетелден қайтарылған 5,1 млрд теңге Қарағанды облысындағы су құбырын жаңартуға бағытталды
- Құмар ойынға әуестігі үшін 16 мемлекеттік қызметкер жұмысынан айырылды
- Алаяқтар арбауы: Қазақстанның еңбек сіңірген сәулетшісі далада қалды
- «Тарихи мұра»: Қазақстандағы көне таңбалар бар жерге Қытай компаниясы зауыт салады
- Қазақстан Ауғанстандағы теміржол құрылысына жарты миллиард доллар инвестиция салады
- Тілін кесті: Ақтөбеде саябақта тоқ соққан баланың анасы кінәлілерді жазалауды талап етті
- Азаматтыққа қабылдау үшін қазақ тілі мен тарихын білу талаптары өзгеруі мүмкін
- Наразылық пен балалардың үндеуіне қарамастан, Алматыдағы балалар үйі Қонаевқа көшірілмек
- Қызылордада полицияны басынған жасөспірімдер мен олардың ата-аналары жазаланды
- Алматы Сеулге айналды: Үнді фильмінің түсірілімі қаланың келбетін қалай өзгертті?
- Ректор болу үшін 200 мың доллар төлеген Айман Мұсақожаева алаяқтарға жем болды
- Ұлттық банк базалық мөлшерлемені өзгеріссіз қалдырды
- «Ем-домды карцерде жасады»: Денсаулығы нашарлаған Думан Мұхаммедкәрімнің түрме басшылығына жазғаны
- Тасмағамбетовтің күйеу баласы украиналық «БТА Банкті» сатылымға шығарды
- «Бір кереует 1,2 млн теңге»: Қызылорда облыстық инфекциялық ауруханасындағы былық ашылды