Бүгіннен бастап Қазақстанда цемент бағасы арзандайды

Қазақстанда цемент импортына салынған тыйым алынып тасталды. Енді баға арзандайды.

Бұл туралы Orda.kz хабарлады.

Отандық өндірушілерді қолдау үшін цемент импортына тыйым 2021 жылы 30 сәуірде енгізілді. Алайда, содан кейін цемент қымбаттап, тапшы болды.

Сондықтан 23 шілдеден бастап цемент импортына салынған тыйым алынып тасталады. ҚР Индустрия және инфрақұрылымды дамыту министрлігінің айтуынша, бұл нарықты қанықтырып, оның құнын төмендетуі керек.

Қазақстан құрылысшылар одағының мәліметі бойынша, 2021 жылдың басынан бастап цемент 40 пайызға қымбаттаған. Ал «Атамекен» АЭС өнімнің тапшылығын атап өтті.

Бәсекелестікті қорғау және дамыту агенттігінің мәліметтері бойынша, цемент зауыттары өз өнімдерінің құнын 10-12%-ға, ал кейбіреулері 4-5%-ға ғана көтерген. Өндірушілер өздері мұны электр энергиясының құнын 30%-ға, теміржол көлігінің тарифтері - 17%-ға, вагондарды жалға беру - 13%-ға өсіруімен ақтады, тіпті қағаз қаптама 16% қымбаттады.