Бүгінгі ауыс-түйіс: Бектанов жаңа қызметке тағайындалды

Президент Қасым-Жомарт Тоқаевтың шешімімен сыбайлас жемқорлыққа қарсы іс-қимыл агенттігі төрағасы қызметіне Олжас Бектанов тағайындалды.

Бұған дейін Бектанов төрағаның бірінші орынбасары лауазымында болған.

Мемлекет басшысының өкімімен Олжас Абайұлы Бектенов Қазақстан Республикасының сыбайлас жемқорлыққа қарсы іс-қимыл агенттігі (Сыбайлас жемқорлыққа қарсы қызметтің) төрағасының бірінші орынбасары лауазымынан босатылды.

Бүгінгі ауыс түйіс: Ішкі істер министрі Ерлан Тұрғымбаев президент кеңесшісі лауазымына тағайындалды, оның орнына министр болып антикор төрағасы Марат Ахметжанов келді. Марат Мұратұлының орнына орынбасары Олжас Бектанов тағайындалды.

Олжас Бектенов 1980 жылы 13 желтоқсанда Алматы қаласында дүниеге келген. 

Білімі: 2001 ж. –Қазақ мемлекеттік заң академиясын бітірген, мамандығы – заңгер. 
Еңбек өтілі:

• 2002-2005 жж. – Алматы қаласы әділет басқармасында бас маман.
• 2005-2006 жж. – ҚР премьер-министрі кеңсесінде заң бөлімінің бас сарапшысы.  
• 2006-2009 жж. – ҚР Президенті әкімшілігінде қызмет еткен. 
• 2009-2012 жж. – ҚР әділет министрлігінің тіркеу және құқықтық алғашқы көмек көрсету қызметі комитеті төрғасының орынбасары.   
• 2012-2014 жж. –  ҚР экономикалық қылмыс және сыбайлас жемқорлық қарсы күрес агенттігі орталық аппаратында департамент басшысы. 
• 2015-2016 жж . – Астана қаласы әкімінің аппарат басшысы, ҚР Президенті Әкімшілігі Басшысы хатшылығының меңгерушісі.
• 2016-2017 жылдары – Астана қаласы бойынша Сыбайлас жемқорлыққа қарсы іс-қимыл ұлттық бюросының (сыбайлас жемқорлыққа қарсы қызмет) басшысы.
• 2017 жылғы шілдеден бастап Ақмола облысы әкімінің орынбасары.
• 2018 жылғы 1 маусымнан – 2019 жылдың 20 маусымына дейін Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының орынбасары.