Бүгінгі ақпарат: Алматыда 1237 адам ұсталды

Комендатураның мәліметінше, бандиттік топтардан Әуезов, Алатау және Медеу аудандарының учаскелері, «Өжет» шағын ауданы, Алматы халықаралық әуежайына іргелес тұрғын үй алабы тазартылды.

Жалпы қала бойынша террористік шабуылдарға, қарақшылыққа және басқа да қылмыстарға қатысы бар 1237 адам ұсталған. 31 атыс қаруы мен 1428 оқ-дәрі тәркіленді.

Блок бекеттерде жедел қызығушылық танытқан 38 адам ұсталды. «102» пультіне барлығы 608 хабарлама келіп түсті.

Комендатураның Call-орталығына жедел ден қоюды талап еткен азаматтардан 253 сигнал келіп түсті. Барлық хабарламалар пысықталған.