Бүгін Олжас Сүлейменовтің туған күні

Олжас Омарұлы Сүлейменов 1936 жылы 18 мамырда дүниеге келген. Ақындықпен қатар, тілтану саласын зерттеп, зерделеп қомақты еңбектерді жарыққа шығарған. Қоғам қайраткерінің саясаткерлігін де ерекше атап өтуге болады. Ядролық қару-жарақты жаппай қолдануға қарсы тұрып, бұл салада біраз елеулі жетістіктерге де жетті.

Ақынның "АзиЯ" кітабын кезінде Кеңес билігі "антируский" деп бағалап, "пантюркизм" идеясы аңқып тұр" деп қудалай бастады. Д. Қонаев бұл кітапты Л. И. Брежневке оқуға кеңес беріп, жұртты шулатқан бұл еңбекке Брежнев: «Никакого национализма тут нет!» деп бағалап, теріс талқыға нүкте қойылды. Десе де, бұл еңбек орысшыл тараптың ашуына тигені анық.

Осылайша Л. И. Брежнев пен Д. Қонаевтың арасындағы достық қарым-қатынас нәтижесінде автордың еңбегі қудалаудан аман қалады. Бүгінде Олжас Сүлейменовтің тіл мәселесіне қатысты сол кездегі зерттеулері ғылыми еңбектерде де, қолданылып жүр.

Orda.kz сайты қазақтың ардақы ақыны Олжас Сүлейменовті туған күнімен құттықтайды!