Бүгін Әлихан Бөкейхановтың туған күні

Бүгін бесінші наурыз — Алаш қозғалысының көшбасшысы, қазақ халқының жанашыры Әлихан Бөкейхановтың туған күні.

Әлихан Нұрмұхамедұлы Бөкейхан 1866 жылдың 5 наурызында, Қарқаралы уезі, Семей облысы, Дала Өлкесінде дүниеге келді. 1937 жылы 27 қыркүйек Мәскеуде дүниеден өтті.

Бөкейханов — қазақ тарихында аты қалған қоғам қайраткері. Ол Ресей империясының ұлттық деңгейіндегі саясаткер болды. Бөкейханов ең ірі оппозициялық «Халық бостандығы» партиясының мүшесі болды.

Көшбасшы ретінде ол қазақ зиялыларының маңызды күштерін өзіне жұмылдырып, автономия мәселелері бойынша мүдделерін қорғай алды. Оның барлық идеялары мен әрекеттері автономияны жариялауға елеулі идеологиялық және мәдени әсер етті.

«Алаш» қозғалысындай маңызды құбылыс, Бөкейхановтай көшбасшы қазақ халқына берілген сый.

— Жұртқа әділ би пайдалы, көпке сүйенген, көп сөзін тындаған, билігін орнына жұмсайтын, арам жемейтін, іс білетін, ел мүддесін ашық қорғай алатын болыс пайдалы.

Әлихан Бөкейханов

— Жер дауы - тәмам бес миллион қазақ дауы.

Әлихан Бөкейханов