Бүгін елде «Тұңғыш президент күні» тойланып жатыр

Қазақстанда «1 желтоқсан – Тұңғыш президент күні» тойланып жатыр. Бүгін республика бойынша түрлі мерекелік іс-шара өтеді.

1 желтоқсан – Тұңғыш президент күні мемлекеттік мерекені белгілеу туралы заң 2011 жылы желтоқсанда қабылданған болатын. Мереке күнін таңдаудың тарихи алғы шарты мен негізі 1991 жылғы 1 желтоқсанда болған оқиға болды: бірінші жалпыхалықтық сайлау нәтижесінде Нұрсұлтан Назарбаев сайлаушылардың 98,7 пайызының қолдауына ие болды.

Нұрсұлтан Әбішұлы Назарбаев – 1990 жылдың сәуірінен бастап Қазақ КСР Президенті және 1991 жылдың 16 желтоқсанынан бастап Тәуелсіз Қазақстанның Тұңғыш Президенті, «Елбасы» ресми атағының иегері.