Бүгін – Дінмұхамед Қонаевтың туған күні

Дінмұхамед Ахметұлы Қонаев 1912 жылы 12 қаңтарда Верный қаласында дүниеге келген.

Әкесі

Меңліахмет Жұмабайұлы 1886 жылы туған. Алматы облысында ауылшаруашылық және сауда мекемелерінде жұмыс істеген. Қазақ және орыс тілдерінде хат таныған сауатты адам болған.

Анасы

Зәуре Баирқызы 1888 жылы Алматы облысындағы Шелек ауданында өмірге келген. Бар уақытын балаларына арнаған және үй шаруасымен айналысқан.

Қонаевтың ұсында еліміздің экономикасы мен ауыл шаруашылығы өркендеді. Республиканың көптеген өңірінде зауыт-фабрикалар салынып, жаңа инфрақұрылымдар бой көтерді. Бұдан өзге Қонаевтың өнерпаздарды қолдауының арқасында қазақ өнерін бар әлем таныды.

Брежнев Қонаевтан «Үлкен республиканы басқарып отырған адам қалайша кішкене үйде тұруы мүмкін? Бар дүниең осы ма?» деп сұрағанда «Зухра Шәріпқызы екеуімізге осы да жетеді» деп жауап берген екен.