Бүгін ғана қызметінен кеткен Арман Жұмабеков жаңа жұмысқа кірісті

Арман Жұмабеков ҚР Стратегиялық жоспарлау және реформалар агенттігінің кеңсесін басқарды, деп хабарлады ведомствоның баспасөз қызметі.

«ҚР Стратегиялық жоспарлау және реформалар агенттігінің төрағасы Әсет Ерғалиевтің бұйрығымен Арман Жұмабеков агенттік аппаратының басшысы болып тағайындалды» делінген хабарламада.

Жұмабеков 2021 жылдың қаңтарынан бастап Ұлттық экономика министрлігі аппаратын басқарды - 7 ақпанда үкімет оның қызметінен босатылғанын хабарлады. Бұған дейін 2019 жылдың шілдесінен бастап ҰЭМ жауапты хатшысы болған, одан бұрын, 2019 жылдың сәуірінен бастап Ұлттық экономика бірінші вице-министрі қызметін атқарған.