Бүгін Алматыда дәстүрлі құндылықтар шеруі ұйымдастырылды

Митингті ұйымдастырушылар радикалды феминизм мен батыстық құндылықтарға қарсы.

Бүгін Алматыда «Ана – бір қолымен бесікті, екінші қолымен әлемді тербетеді!» тақырыбымен митинг өтті. Белсенділер феминизмге және олар насихаттайтын «батыс құндылықтарына» қарсы шықты. Айтпақшы, бүгінгі шараға әйелдер теңдігі мен құқықтарының сақталуын жақтаған 8 наурыздағы жиынға қарағанда адамдар азырақ келген.

Бүгінгі жиынды ұйымдастырушылар айтқандай, «Ана – бір қолымен бесікті, екінші қолымен әлемді тербетеді!» және «Қазақстанның дамуына кедергі келтіретін ұйымдарға жол жоқ» атты екі тақырып жарияланды.  Бірақ екінші тақырып қана мақұлданды, ұйымдастырушылардың айтуынша, оның жақтастары 8 наурызда митинг өткізген «Феминита» қоғамдық ұйымына тікелей қатысы бар.

— Феминита» қозғалысының «Менің денем – менің ісім» ұраны Қазақстан үшін қабылданбайды, - дейді бүгінгі митингіні ұйымдастырушы Бағила Балтабаева.

Оның айтуынша, бұл тіркес жастардың нәзік психикасын бұзады, ол «теңдік тақырыбының астындағы феминистер Батыстың жалған құндылықтарын насихаттайды».

— Феминизм астарында  феминизмге жатқызбайтын нәрселер болып жатыр. Нағыз феминистер – біздің арғы әжелеріміз, ата-бабаларымыз. Ошағын, өмірін, отбасын сақтап қалған әйелдер қоғамда еңбек етті, ерлік жасады, нағыз феминистер солар, ал қазір болып жатқандар  феминизм емес. «Фема» – өз құқығын білетін, қоғамдағы өз орнын білетін, қолынан келгеннің бәріне қол жеткізе алатын әйел. Қазақстанда әйелдер құқығы аяққа тапталып жатқан жоқ, олардың бізге көрсеткісі келетіні радикалды феминизм,- деген сенімде Балғабаева.

Рас, Балғабаеваны қолдауға көп адам келмеді (8 наурыздағы митингпен салыстырғанда). Жиналғандардың кейбірі ұлттық киім киіп алған, олар  «бізде ешқандай құқық бұзушылық жоқ, әйелдер кәсіп аша алады, бұл жоқ проблеманы жасанды ойлап табу» және «әркімнің өз орны бар, сонымен бірге біз халық, азамат ретінде бәріміз бірдейміз, құқықтық салада біздің құқығымыз тең» деп мәлімдеді.

Белсенділер арасында тұрмыстық зорлық-зомбылықты әдейі ойлап табылатынына  шын жүректен сенетіндер де болды.

«Еркек еркек, әйел әйел болуы керек», - дейді «СНБ  отбасын бұзады!» плакатын ұстаған қатысушы.

Келгендердің көпшілігі «халықаралық ұйымдар отбасын бұзатын заңдарды әзірлеу үшін миллиондаған доллар бөледі» деп есептейді.