БҰҰ елдерді Ауғанстанға гуманитарлық көмек беруге шақырды

БҰҰ-ның ауғандықтарға гуманитарлық көмек көрсету жөніндегі үйлестірушісі Рамиз Алакбаров азық-түлік пен дәрі-дәрмектің тапшылығы туралы айтты.

Бұл туралы Orda.kz ұйымның сайтына сілтеме жасап хабарлады.

– Ауғанстан гуманитарлық апат алдында тұр. Біріккен Ұлттар Ұйымы мен серіктестері бұған жол бермеу үшін қолдан келгеннің бәрін жасауды жалғастырып жатқанына қарамастан, олар мұны мықты және қомақты халықаралық қолдаусыз жасай алмайды, - деді Алакбаров.

Оның айтуынша, «ауғандардың тең жартысы азанда не жейтіндерін білмейді».  

Бұған қоса, Ауғанстанға дәрі-дәрмек қажет. Ауғанстан астанасы Кабулдағы әуежай жабық, бірақ БҰҰ өкілінің айтуынша, ұйым мен оның серіктестері гуманитарлық көмекті жеткізудің басқа жолдарын табуда. Осылайша, жүктер Пәкістаннан автокөлікпен жеткізіледі және жақында 37,5 тонна дәрі-дәрмегі бар бірінші ұшақ Ауғанстанның төртінші қаласы Мазари-Шарифке келді.

– Олар 200 мың адамға есептелген дәріні 20 ауруханаға жеткізеді. Елге 600 тонна азық-түлік жеткізілді. Ол негізінен балаларға қажет, жақында олардың күйі нашарлайды, - деді Алакбаров.

Бұған дейін БҰҰ Қауіпсіздік кеңесі Ауғанстанға қатысты қарар қабылдаған болатын.

Еске салсақ, 15 тамызда Талибандар Ауғанстан астанасы Кабулды басып алып, Ислам Әмірлігінің жандануын жариялаған. Сол күні елден Ауғанстан президенті Ашраф Ғани кеткен. Бір аптада Кабулдан 25 мыңға жуық адам эвакуцияланған.