БҰҰ Бас хатшысы вакцина шығаруды екі есе арттыруды ұсынды

Әлемде коронавирус індетімен күресу үшін вакцина шығаруды екі есеге арттыру керек.

Мұндай мәлімдемені БҰҰ Бас хатшысы Антониу Гутерриш Мюнхендегі қауіпсіздік жөніндегі конференция барысында жасады.

Сонымен қатар ұйым басшысы «Үлкен жиырмалық» елдерін халықты әлемдік деңгейде вакциналау бойынша шұғыл түрде ортақ жоспар құруды ұсынды.

«Әлем алдындағы мәселелерді шешу үшін алпауыт мемлекетттер алауыздықты жою керек», - деді Антониу Гутерриш.

БҰҰ Бас хатшысы төтенше жағдаймен күресетін жұмысшы топ жасақтау керектігін айтты.