БҰҰ бас хатшысы әлем халықтарына үндеу тастады

БҰҰ бас хатшысы Антониу Гутерриш халықаралық биоалуантүрлілік күніне орай табиғатпен үйлесімді қарым-қатынасты қалпына келтіруге үндеді.

Бұл туралы Orda.kz.  ұйымның сайтына сілтеме жасап.  хабарлады.

Ол жер ресурстарының уақытынан бұрын сарқылып, биоалуантүрлілік бұрын-соңды болмаған және қорқынышты жылдамдықпен азайып бара жатқандығын айтады.

Флора мен фаунаның миллион түрі жойылу алдында тұр, бүкіл экожүйе көз алдымызда жойылып, сулы-батпақты жерлер құрғап, керісінше шөлдер көбеюде.

Жыл сайын біз 10 миллион гектар орманнан айрылудамыз, мұхиттар пластмассаға тұншығып жатыр.  

— Біз табиғатқа соғыс жарияладық. Биоалуантүрлілікті сақтау саласындағы халықаралық деңгейдегі бірде-бір тапсырманы орындаған жоқпыз, - дейді Антониу Гутерриш

Пандемия адамдар мен сыртқы қоршаған орта арасындағы тығыз байланыстың ерекшелігін көрсетті. Жаңа және дамып келе жатқан жұқпалы аурулардың төрттен үш бөлігі зоонозды сипатқа ие, яғни адамдарға жануарлардан жұғады.

Антониу Гутерриштің пайымынша, жерді пайдалану және адамзаттың  табиғатқа келтірген зиянынан  Эбола және COVID-19 сияқты жұқпалы аурулар пайда болып жатыр.