БҰҰ Бас хатшысы: 2020 жыл өлім, апат және үмітсіздік жылы болды

БҰҰ Бас хатшысы Антонио Гутерреш: «2020 жылды - өлім, апат және үмітсіздік жылы деп атап, енді 2021 жылды - бейбітшілікті қалпына келтіру жылы болуы керек», - деді. Бұл туралы ORDA хабарлайды.

«2020 жыл ғаламдық мәселеге айналған - өлім, апат және үмітсіздік жылы болды. Ковид-19 пандемиясы барлық елдерде және барлық экономикаларда қиратулар жасады. Біз екі миллион адамның өмірін жоғалттық, оның ішінде біздің БҰҰ-ның жанұясы мүшелері де бар. Адам шығындарының өсуі жалғасуда », - деді Антонио Гутерриш.

Сонымен қатар, пандемия салдарынан 500 миллион жұмыс орындары жабылып, қоныс аударушылар саны рекордтық деңгейге жеткендігін, теңсіздік пен аштықтың көбейіп жатқандығын да атап өтті.

«Біз табиғатқа соғыс жарияладық, ал табиғат кері соққы беріп жатыр. Климаттық дағдарыс өршіп тұр. Өткен жылы табиғи апаттар 210 миллиард доллар шығын келтірді және адамдар саны жағынан есепсіз шығынға ұшырады», - деп баяндады БҰҰ басшысы.

«Біз өлімнен кейін қалпына келтіруге, апаттан қайта құруға, үмітсіздіктен үмітке ауысуымыз керек», - деп аяқтады бас хатшы.

ДДҰ мәліметтері бойынша 28 қаңтардағы жағдай бойынша коронавирус инфекциясын жұқтырғандар саны 100 миллионнан асты. 2,1 миллионнан астам адам қайтыс болды.