«Азықтың ішіне жасырған»: Түрмеге телефон алып кірмек болған азамат жазаланды

Тараз қаласында Азат (есімі өзгертілді ред.) есімді азамат азық-түлік қаптамасының ішіне жасырылған ұялы телефонды колонияға кіргізуге әрекет жасады. 2024 жылдың тамыз айында бұл әрекетті Қылмыстық-атқару жүйесі департаментінің (ҚАЖД) тексеру тобы әшкереледі, деп хабарлайды Orda.kz.

 Оқиғаға байланысты Әкімшілік құқық бұзушылық туралы кодекстің 481-бабы 1-бөлігі бойынша іс қозғалды.

«Сотта айыпты өзінің кінәсін мойындап, жасаған әрекетіне өкініш білдірді, бас бостандығынан айыру орындарына ұялы телефонды беруге тыйым салынғанын білмегенін айтып түсіндірді», деп мәлімдеді Жамбыл облыстық сотының баспасөз қызметі. 

Сотта Азат өз кінәсін мойындап, түрмеге ұялы телефон жіберуге тыйым салынғанын білмегенін түсіндірді. Сот кінәсін мойындап, өкінгенін ескере отырып, азаматқа ескерту жасады.