Азық-түлік тауарлары 2,4 пайызға қымбаттады

Үкімет отырысында ҚР Сауда және интеграция министрі Бақыт Сұлтанов экспорттық ауыл шаруашылығы өнімдерінің де өндірісін арттыру қажеттігін айтты, деп хабарлайды ORDA тілшісі.

— 23 ақпандағы жағдай бойынша әлеуметтік маңызы бар азық-түлік тауарлары бағаларының өсуі 2,4 пайыз деңгейінде тіркелді. Бәрінен бұрын импортқа тәуелді өнімдердің, жоғары экспорттық сұранысы бар тауарлардың, сондай-ақ маусымаралық кезеңде дәстүрлі түрде қымбаттайтын көкөністердің бағалары өсім көрсетті. Олардың жалпы өсімге қосқан үлесі 2 пайыздық тармақты құрады, деді агроөнеркәсіптік кешенді дамытудың негізгі бағыттары және инвестициялық жобалардың іске асырылуы туралы баяндаған Бақыт Сұлтанов.

Азық-түлік тауарларының бағасы импортталатын және экспортқа жіберілетін өнімнің үлесіне де байланысты.

— Ауыл шаруашылығы министрлігі өңірлік атқарушы органдармен бірлесіп, импортқа тәуелді тауарлар бойынша ғана емес, сондай-ақ экспорттың жоғары үлесі байқалатын өнімдер бойынша да өндірісті барынша ұлғайтуы қажет, деді министр.