«ҚазТрансГаз» — «Самұрық-Қазынаның» еншілес компаниясына айналды

Бүгін 11 наурыз «ҚазТрансГазды» компаниясын «Самұрық-Қазына» қорының басқаруына беру туралы Үкіметтің қаулысы қабылданды.

— Осылайша «ҚазТрансГаз» ұлттық компаниясы газды тасымалдап қана қоймай, сонымен қатар газ және газбен жабдықтау саласындағы толыққанды ұлттық операторға айналады, деді Ахметжан Есімов.

Еске салсақ, 2020 жылдың қараша айында «Самұрық-Қазына» қорының Басқарушылар кеңесінің отырысында Нұрсұлтан Назарбаев «ҚазТрансГазды» «Самұрық-Қазына» қорына бағынышты ету міндетін қойған.

2021 жылы қаңтар айында Үкіметтің кеңейтілген отырысында Президент Қасым-Жомарт Тоқаев газды барлау, өндіру және тасымалдау жөніндегі ұлттық оператор құруды тапсырған.