«Қазпошта» қызметкерлері Ақмола облысы тұрғынының ақшасын жымқырды

Ақмола облысында Қазпоштаның екі қызметкері 2016 жылы мұғалімдердің еңбек демалысынан 200 мың теңге жымқырды деп күдіктелуде, деп хабарлады облыстың ПД баспасөз қызметі.

Әйел Қорғалжың ауданының полиция бөліміне оқиғадан кейін бес жыл өткен соң арыз жазған.

«Жәбірленуші 2016 жылы еңбек демалысы ақысын алуы керек еді. Алайда мұғалім демалысқа шыға салысымен қалаға кетіп, ақшасын ойламаған. Бірнеше жылдан кейін қайтып келгенде ол ақшасының жоғын біліп, полицияға жүгінуге шешім қабылдаған. Жедел-іздестіру шаралары нәтижесінде полиция күдіктілерді анықтады», - деп хабарлады полиция.

Департаменттің мәліметінше, олар 39 және 52 жастағы Қорғалжың ауданының тұрғындары болып шықты. 2016 жылы олар «Қазпошта» филиалында кассир болып жұмыс істеген. Әйелдер мұғалімдердің еңбек демалыстарының ақысын өз қажеттіліктеріне жұмсаған.

«Қазпошта» филиалының бұрынғы қызметкерлеріне қатысты ҚР Қылмыстық кодексінің 189-бабы - «Сеніп тапсырылған мүлікті ысырап ету» бойынша сотқа дейінгі өндіріс басталды. Тергеу әрекеттері жалғасуда», - деп хабарлады департамент.