«Қазмедиа» орталығында өрт шықты

Республикалық телеарналар хабар тарататын «Қазмедиа» орталығында өрт шықты. Ғимараттың жер асты көлік тұрағындағы трансформатор жанғаны анықталды. Қаза болғандар мен зардап шеккендер жоқ.

«Қазмедиа орталығы» ғимаратында автоматты өрт дабылы іске қосылды. Адамдар ғимараттан шығарылып жатыр. Бұл туралы «Қазмедиа орталығы» қызметкерлерінің бірі хабарлады. Телеарналар хабар таратуды тоқтатты.

- Хабар 24 телеарнасының хабар таратуы техникалық ақауларға байланысты тоқтатылды, - делінген «Хабар 24» телеарнасының сайтында.