«Азия Авто - БИПЭК Авто» басшысы тергеу амалдарына Ресейден Қазақстанға шақырылды

Ресейге кеткен «Азия Авто – БИПЭК Авто» компаниялар тобының жетекшісі Анатолий Балушкин Өскеменге тергеу амалдарын жүргізу үшін шақыртылды.

«Қаржы мониторингі агенттігі (ҚМА) Қазақстан Республикасының Қылмыстық-процестік кодексі нормаларына сәйкес, 1970 жылы 28 мамырда туған, Қазақстан Республикасынан тыс жерде жүрген күдікті Анатолий Михайлович Балушкинді шақырғаны туралы хабарлайды. Күдікті А.М.Балушкинге тергеу әрекеттерін жүргізу үшін 2023 жылғы 10 ақпанда сағат 17.00-ге дейін Өскемен қаласы, Новаторов көшесі, 7/2 үй мекенжайы бойынша ШҚО бойынша Экономикалық тергеу басқармасының Экономикалық тергеу басқармасының әкімшілік ғимаратына келу қажет» деді ҚМА.

Атап өткендей, тергеу әрекеттеріне қатысу үшін күдікті А.М.Балушкин қорғаушыны өз бетінше шақыруға немесе қылмыстық процесті жүргізуші органға қорғаушының қатысуы туралы өтінішхат жасауға құқылы.

«Егер қорғаушыны күдікті немесе оның заңды өкілдері, сондай-ақ олардың атынан басқа да адамдар шақырмаса, қорғаушының қатысуын қылмыстық процесті жүргізетін орган қамтамасыз етеді (ҚР ҚК 67-бабы). Шақыру қағазында белгіленген уақытта келуіне кедергі келтіретін себептер болған жағдайда, сондай-ақ прокурордың немесе сотқа дейінгі іс жүргізуді жүзеге асыратын адамның, күдіктінің немесе адамдардың қорғаушының қатысуын қамтамасыз ету туралы өтінішхат беруге ниет білдірген жағдайда; өзінің мүддесін белгіленген тәртіппен білдірген адам бұл туралы қылмыстық қудалау органына алдын ала хабарлауға міндетті» делінген хабарламада.

Еске салсақ, 2020 жылдың 19 қазанында «Азия-Авто» бас директоры Ерік Сағымбаев 11 сәуірде төтенше жағдай кезінде биліктен компаниямен өндірістік келісімнің бұзылып жатқаны туралы хабарлама келгенін айтқан болатын.