Пара беру қалыпты жағдайға айналып бара жатыр – Антикор басшысы

ҚР Сыбайлас жемқорлыққа қарсы іс-қимыл агенттігінің төрағасы Марат Ахметжанов елде пара беруге мәжбүрліктің өзі жасанды түрде жасалып жатқанын жеткізді. Ол әдетке, өмірлік нормаға айналып бара жатыр.

– Сыбайлас жемқорлық схемалары күрделірек және жүйелі сипат алды. Бюрократиялық кедергілер әдейі жасалады, заңсыз баю мақсатында ережелер күрделендіріледі. Бұл ретте лауазымды тұлғалардың функционалдық міндеттерінде жауапкершілікті азайтатын олқылықтар қарастырылған, - деді Ахметжанов Орталық коммуникациялар қызметінде өткен брифингте.

Статистикаға келетін болсақ, ведомство басшысы 2015 жылы «пара беру» бабы бойынша фактілер тіркелген қылмыстардың 10 пайызын ғана құраса, биыл оның үштен бірін құрағанын атап өтті.

– Адамдар шенеуніктерге саналы түрде пара беріп отыр. Көбінесе әртүрлі рұқсаттар алу, мемлекеттік қызметтерді алу, мемлекеттік сатып алулардағы жеңістер және т.б. Сондықтан сыбайлас жемқорлыққа қарсы шаралардың барлық жүйесін қайта форматтау қажет, - деді Антикор басшысы.

Басқарма басшысы олардың салдарымен күресуден сыбайлас жемқорлық тәуекелдерін жоюға және қылмыстық схемаларды ашуға көшіп жатқанын айтты.