Әзірбайжан үкіметі: Ақтау маңындағы ұшақ апаты тергеуінің нәтижелері ашық жарияланады

25 желтоқсан Ақтау маңында апатқа ұшыраған AZAL  әуе компаниясының ұшағына қатысты оқиғаны тергеу аяқталуға жақын, деп хабарлайды Orda.kz.

Teleqraf.com мәліметінше, Әзірбайжан президентінің көмекшісі, президент әкімшілігінің сыртқы саясат мәселелері жөніндегі бөлімінің меңгерушісі Хикмет Гаджиев AZAL әуе апатын тергеу барысы туралы қоғамға тұрақты түрде ақпарат берілетінін айтты.

«Президенттің осы мәселеге қатысты өткізген кеңесінде әуе апатын тергеу барысы туралы қоғамға тұрақты түрде ақпарат берілетіні ерекше аталды», – деді Гаджиев.  

 Ал апатқа байланысты Әзірбайжанның Ресейден ақпарат күтетініне келсек, Хикмет Гаджиевтің айтуынша, бұл мәселе ресейлік тараппен салалық және дипломатиялық арналар арқылы талқыланып жатыр.