Әзірбайжан Қадыровтан көмек алудан бас тартты

Шешенстан басшысы Рамзан Қадыров Ақтаудағы әуе апатынан қаза тапқандар мен зардап шеккендердің отбасына көмек көрсетуді тапсырды. Бірақ Әзірбайжан билігі көмектен бас тартты, деп хабарлайды Orda.kz. 

Шешендер тарапының мәлімдемесінде көмек барлық зардап шеккендерге екені немесе тек Шешенстан тумаларына қолданылатыны нақтыланбаған. 

Ұшақ апатынан борттағы 67 адамның 38-і мерт болды. Ресми ақпараттарға сүйенсек, олардың арасында Шешенстаннан келген екі бала болған. 

Еске салайық, бұған дейін Қадыров Ақтаудағы апатқа себеп болған дрондарды атып түсіру туралы есеп берген інісін марапаттағанын мәлімдеген едік.