Әзірбайжан билігі Қарабақтың бұрынғы басшылығын ұстады

Әзербайжанның мемлекеттік қауіпсіздік қызметі мойындалмаған Таулы Қарабақ республикасының бұрынғы президенттері Аркадий Гукасян мен Бако Сахакянды ұстады.

Әзербайжандық ақпарат құралдарының хабарлауынша, Қарабақ парламентінің бұрынғы спикері Давид Ишханян да ұсталған.

«Қарабақтың бұрынғы «президенттері» Аркадий Гукасян (1997–2007) мен Бако Сахакян (2007–2020), «Дашнакасутюн» партиясының «Қарабақ өкілі» және парламенттің бұрынғы спикері Давид Ишханян қылмыстық әрекеттері үшін қылмыстық қудалауда. Оларды Мемлекеттік күзет қызметі ұстап, Бакуге жеткізген. Бұл адамдар жылдар бойы жасаған қылмыстық әрекеттері үшін заң алдында жауап береді» деп жазады APA.

Таулы Қарабақ осыдан 30 жыл бұрын тәуелсіздігін жариялап, Әзірбайжан мен Армения арасындағы қарулы қақтығыстардың себебі болды. Осы жылдың қыркүйегінде Баку «антитеррорлық операция» жүргізгеннен кейін мойындалмаған республика билігі бас тартты. Қарабақ басшылығы армияны тарату туралы шешім қабылдады және Әзірбайжанға қайта қосылу туралы келіссөздер жүргізді.