Әзірбайжан Бас прокуроры: Ақтау маңындағы ұшақ апатын тергеу үш бірдей мемлекетте жүргізілудe

Ақтау маңындағы Әзірбайжан ұшағы апатына қатысты Қазақстан, Ресей, Әзірбайжанда қылмыстық іс қозғалып, тергелуде, деп хабарлайды, Orda.kz.

Trend агенттігінің мәліметінше, «AZAL» әуе компаниясы ұшағының апатына қатысты Қазақстан мен Ресейдің тиісті құрылымдары әрі прокуратура және құқық қорғау органдары бірлескен тергеу жұмыстары жүргізіп жатыр.

Сонымен қатар, Әзірбайжанның Бас прокурорының айтуынша, қазіргі таңда Әзірбайжан президентінің нұсқауы бойынша барлық мемлекеттік құрылымдар жұмыс істейді.  

«Президент Ильхам Әлиевтің тапсырмасы мен нұсқауына сәйкес, AZAL әуе компаниясы ұшағының Ақтау маңында апатқа ұшырауына байланысты барлық тиісті мемлекеттік құрылымдар жұмылдырылып, өз міндеттеріне сәйкес тапсырмаларды орындауда. Ұшақ апатына байланысты үш елде – Ресейде, Қазақстанда және Әзірбайжанда қылмыстық істер қозғалды», – деді Камран Алиев.