Азия даму банкі Қазақстанға 350 миллион доллар несиені мақұлдады

Азия даму банкі (АДБ) Қазақстандағы фискалдық менеджмент пен қаржы секторындағы реформаларды қолдау үшін 350 миллион доллар несиені мақұлдады.

Бұл туралы АДБ хабарлайды.

«АДБ Қазақстандағы фискалдық менеджмент пен қаржы секторындағы реформаларды қолдау, сондай-ақ экономиканың сыртқы күйзелістерге төзімділігін күшейту үшін 350 миллион доллар несиені мақұлдады» делінген АДБ ресми сайтында жарияланған мәлімдемеде.

Ақпаратқа сәйкес, «Қазақстанға арналған бірінші саясатқа негізделген несие» реформалар, Ұлттық қордың қаржысын басқару жүйесін нығайту, «мөлдірлік пен сенімгерлік бақылауға жәрдемдесу» арқылы елдің экономикалық тұрақтылығын арттырады деп күтілуде.