Азия чемпионатына қатысатын триатлоншыларымыз Жапонияға келді

Триатлоннан Қазақстан командасы Азия чемпионатына қатысу үшін Жапонияның Хацукаити қаласына келді,  деп хабарлады Olympic.kz. 

Азия біріншілігі биылғы жылдың 23-25 сәуір аралығына жоспарланған. 

Азия чемпионатына Жапония, Қытай, Иран, Өзбекстан, Сирия, Филиппин, Оңтүстік Корея, Гонконг, Қазақстан және Моңғолиядан елуден аса спортшы қатысатын болды.  

Қазақстан атынан  Арина Шульгина, Екатерина Шабалин, Аян Бейсенбаев, Александр Автушко, Әнуар Тұрыбаев, Дарын Қонысбаев және Семен Пивоваров қатысады.  

2019 жылы Оңтүстік Кореяда өткен Азия біріншілігінде Арина Шульгина қола жүлде иеленсе, Аян Бейсенбаев пен Темірлан Теміров үздік ондыққа енген болатын.