Ажырасу қымбаттайды: депутаттар мемлекеттік бажды көтеруді ұсынды

Неке бұзу үшін төленетін мемлекеттік баж 20 есе өседі, деп хабарлайды Orda.kz.

Депутат Берік Бейсенғалиев бұл бастаманың мақсаты – жастардың асығыс шешім қабылдауына жол бермеу екенін айтты.

«Ажырасуға келгенде ашумен емес, ойланып шешім қабылдау керек. 1000 теңге мен 20-30 есе көп қаражат арасында үлкен айырмашылық бар. Бұл әсіресе жас отбасыларды сабырға шақырады. Мен тіпті ұсынылған мөлшерден де жоғары – 200 АЕК енгізуді қолдар едім», – дейді Бейсенғалиев.

Қазір депутаттар неке бұзу үшін мемлекеттік бажды 0,5 АЕК-тен 5 АЕК-ке дейін көтеруді ұсынып отыр. Бұл — шамамен 19 660 теңге. Қазіргі мөлшер — 1966 теңге. Егер 200 АЕК болса, төлем 786 400 теңгеге жетеді.