Қажылыққа барушылар жалған вакцина паспортын жасатқан

Алматыдағы туристік агенттіктерінің бірі Сауд Арабиясына қажылыққа баратындарға 143 жалған вакцина паспортын жасаған.

Бұл туралы Orda.kz ҚР Ішкі істер министрлігіне сілтеме жасап хабарлады.

Қазір сотқа дейінгі тергеу амалдары жүріп жатыр. Тінту кезінде кеңсе техникасы, мөрлер мен бланкілер тәркіленген.

Күдіктілер қылмыстық жауапқа тартылып, 4 жылға бас бостандығынан айрылуы мүмкін.

– Жалған құжаттар алуға тырысып, адамдар алаяқтардың құрбанына айналуы мүмкін. Интернет-мониторингте мәліметтер базасында ресми тіркелген куәліктер немесе вакциналау паспорттарын дайындау бойынша жалған ұсыныстар анықталды. Ішкі істер органдары осындай 35 хабарландыру анықтады, мәліметтер жіберілді бұғаттау үшін уәкілетті органға, - деді полицияда.

Бұған дейін Сауд Арабиясындағы қажылыққа тек вакцина алған адамдар ғана бара алады деп хабарланған. Жәй ғана екпе алғандар емес, Pfizer-BioNTech, AstraZeneca, Johnson & Johnson немесе Moderna вакциналарын алғандар ғана.

Отандық QazVac, ресейлік Sputnik V немесе қытайлық Хаят-Вакс қажылыққа баруға жарамайды.