«Қазфосфат» қызметкерінің өлімін арнайы комиссия тергеп жатыр

Басына кірпіш құлап мерт болған «Қазфосфат» жұмысшысының өлімін арнайы комиссия тексеріп жатыр.

«Тергеу бір жақты болмас үшін» комиссия құрамына қайтыс болған қызметкердің өкілдері мен жұмыс берушінің өкілдері кіреді. Комиссия жұмысы аяқталғаннан кейін барлық материалдар полицияға беріледі.

 «Жұмысшының жарақат алуының себебі, оның басына кірпіш құлаған. Мән-жайды арнайы комиссия анықтап жатыр. Кез келген апат жеке қарастырылады. Мемлекеттік еңбек инспекциясы жалғыз шешім қабылдамайды. Комиссия құрылады, оның құрамына зардап шеккен жұмысшының өкілі және жұмыс берушінің өкілі кіреді. Бұл оқиғаны тергеу біржақты болмау үшін жасалып отыр. Бұл ретте олар іс қозғайды, ал құқық қорғау органдары өз бетінше тексеру жүргізеді» деп хабарлайды ҚазАқпарат Жамбыл облысы әкімдігінің бас мемлекеттік еңбек инспекторы Ернар Есіркеповтің сөзін.

Комиссия іс бойынша 10 күннен 30 күнге дейін жұмыс істейді. Есіркепов ерекше жағдайларда тергеуді екі айға ұзартуға болатынын атап өтті.