«Қазфосфат» компаниясының «Жұлдыз» лагерінде 800 бала демалды

Жамбыл облысы Сарысу ауданындағы балалар сауықтыру лагерінің басты ерекшелігі – демалыс бағдарламасы, күніне бес мәрте тамақтану.

Лагерьде алғашқы демалушыларды қабылдағанға дейін жөндеу жұмыстары жүргізілген. Балалар жайлы үйлерде, ашық аспан астындағы бассейнде, кең асханада, ойын алаңында демалады. Биыл "Қазфосфат» лагері жақсы нәтижеге қол жеткізу үшін 120 млн теңге жұмсаған.

Жаңатас қаласы әкімдігінің өтініші бойынша балалар лагерінде компания қаражаты есебінен жетім балалар да демалды. Демеушілік көмек ретінде оларға сыйлықтар, спорттық киімдер мен аяқ киімдер табысталды.

Ауысымның жабылу салтанатында «Жұлдыз» директоры Қарлығаш Қанапина балаларға табыс тіледі. Сондай-ақ, балалардың уақытын қалай өткізгенін айтып берді.

«Мұнда балалар үшін ойын-сауық бағдарламасы ұйымдастырылды. Балаларға арналған түрлі ойындар, жарыстар өткізілді. Сонымен қатар, біздің лагерьде ағылшын және қытай, сурет және шахмат үйірмелері бар. Балаларға демалысты дәл осы лагерде өткізу ұнады. Балалардың арасында келесі аусымда біздің лагерьде қайта демалуға шешім қабылдағандар бар» деді Қарлығаш Қанапина. 

AB Catering мердігерлік компаниясы директорының орынбасары Лидия Ишимова «Қазфосфат» компаниясы балаларды толыққанды тамақпен қамтамасыз еткенін айтты. Ол үшін арнайы диета жасалған. 

Ата-аналар да лагерьде кәсіпорынның әрекетін жоғары бағалады. 

«Соңғы екі жылда компания басшылығы мен акционерлерінің біздің балаларымызға ерекше назар аударғаны қуантады. Біз үшін балалардың лагерьде уақытын тиімді өткізуі өте маңызды. Менің үш балам демалып қана қоймай, спорттық шараларға қатысу арқылы денсаулығын жақсартты» деді көпбалалы ана, цех диірменінің машинисі Гүлбаршин Истамбекова. 

Әр бала ауысымның жабылу салтанатында сыйлық алды.«Қазфосфат»  бұдан бөлек жыл бойы басқа да әлеуметтік шараларға қатысады. Компания спорт кешендерінің құрылысына, балалар алаңдарының құрылысына, демалыс орындарын абаттандыруға үлес қосады.